Regjeringa ventar lågare straumprisar neste år

– For 2025 er det forventa at straumprisane vil liggje på eit lågare nivå samanlikna med dei siste åra, skriv regjeringa.

I forslaget til statsbudsjett for neste år, blir straumstøtteordninga forlengd som i dag. Ho blir justert i tråd med prisveksten slik at han slår inn når straumprisen overstig 75 øre per kilowattime frå 1. januar, mot 73 øre i dag.

For forbruk på inntil 5000 kilowattimar i månaden, dekkjer staten 90 prosent av straumprisen over dette nivået.