Vil styrkje Altinn med 380 millionar kroner

Det kjem fram i forslaget til statsbudsjett.

– No sikrar vi ferdigstilling, drift og forvaltning av framtidas Altinn. Med digitalisering skal vi gjere liva til folk både enklare og betre, og vi skal fornye og forbetre offentleg sektor. Fornyinga av Altinn er ein viktig føresetnad for å lykkast med det, seier digitaliserings- og forvaltningsminister Karianne Tung (Ap).

Ifølgje regjeringa skal den nye plattforma vareta krava til tryggleik og personvern og samtidig gi betre, enklare og meir fleksible løysingar for tenesteeigarane og for brukarane.