Sauebonde Vidar Aastvedt var i fjor fortvila over øydelagde bøar etter at grågåsa har vore på ferde.
Arkivfoto: Irene Mæland Haraldsen
Grågås og avlingstap på dagsorden
I slutten av november skal viltutvalet i Etne kommune diskutera oppstarten av ein forvaltningsplan for grågås. Planen er eit viktig steg for å redusera avlingsskadar på dyrka mark og balansera omsynet til landbruket og den lokale grågåsstamma, som har auka merkbart dei siste åra.
Grågåsa, ein planteetande kystfugl, skapar aukande utfordringar for bønder i Etne. Arten er kjent for å beita på dyrka mark, spesielt om våren, noko som fører til avlingsskadar og økonomiske tap. Gåsa nappar ofte opp røter, noko som hemmar grasproduksjonen. I tillegg fører gåsemøkk til at avlinga kan få kvalitetsfeil, som til dømes gjæringsproblem i fôr ved hausting. Med ei grågåsstamme som kjem tilbake til dei same områda år etter år, opplever fleire bønder at problemet berre aukar.
I dag er jakttida på grågås regulert frå 10. august til 23. desember. Statsforvaltaren har høve til å forlenga jakttida med opptil 20 dagar før ordinær jaktstart dersom det ligg føre ein lokal forvaltningsplan. Formålet med tidlegare jakt er å redusera skadeomfanget, men slike utvidingar krev planlegging og forskriftsfesta tiltak. Torsdag 28. november skal ein forvaltningsplan opp for viltnemnda i Etne.
Ein oppstart av lokal forskrift
