Høgres stortingsrepresentantar får stemme etter sine eiga overtyding når den nye abortlova kjem til behandling i desember.
Foto: Hanna Johre / NTB / NPK
Høgre stiller fri representantane i abortsaka
Høgres representantar får stemme i tråd med si personlege overtyding når Stortinget skal votere over den nye abortlova.
– Høgres representantar ønskjer ei ny lov, men vi er usamde om kvar grensa for sjølvbestemd abort skal gå. Det er ein styrke at vi har lang tradisjon i Høgre for å ha grundige debattar om verdisaker, seier saksordførar for abortlova i Stortinget, Sandra Bruflot (H), i ei pressemelding.
Det var Aftenposten
som først hadde nyheita om at Høgre stiller fri representantane sine når forslaget til ny abortlov kjem opp til votering.
Høgres stortingsgruppe er delt i tre ulike syn på den nye lova. Representantane er usamde om kvar grensa for sjølvbestemd abort skal gå – 18 eller 12 veker.
