Noreg sluttar seg til tryggingssamarbeid om undersjøiske kablar

Noreg har slutta seg til ei felleserklæring om tryggleik og motstandsdyktigheit for undersjøiske kablar.

Regjeringa peikar på at undersjøiske kablar er viktig infrastruktur som er utsett for skadeverk, cyperoperasjoner og overvaking i ei pressemelding
der den nye samarbeidsavtalen blir presentert.

– Kabelbrota i Austersjøen den siste veka er ei påminning om at undersjøiske kommunikasjonskablar er kritisk infrastruktur av strategisk betydning. Mesteparten av Noregs kommunikasjon med omverda går via slike kablar, seier utanriksminister Espen Barth Eide.