Sørlandet har hatt billegare straum dei siste dagane fordi det har vore vedlikehaldsarbeid på utanlandskablar.
Foto: Annika Byrde / NTB/ NPK
Redusert kapasitet på straumkablar til utlandet har gitt billigare straum i Noreg
Frå tysdag har det vore redusert kapasitet på tre utanlandssamband på grunn av vedlikehaldsarbeid. Det har ført til lågare straumprisar.
Det er sambanda til Danmark, Tyskland og England som har hatt redusert kapasitet dei siste dagane.
– Reduksjonen på kapasiteten på utanlandssambanda har hatt ein ganske stor effekt på prisane denne veka, seier sjefanalytikar i Volue Insight, Tor Reier Lilleholt, til Europower.
Dagen før kapasiteten vart redusert var døgnprisen på Sørlandet 80 øre per kilowattime, medan då kapasiteten vart redusert på tysdag, fall prisen til 52 øre. Dette prisnivået har halde seg dei siste dagane. Lilleholt seier at det ikkje er andre forklaringar som skulle påverke fallet i pris.
