Digitaliserings- og forvaltningsminister Karianne Tung opnar for å utsetje sløkkinga av 2G-nettet.
Foto: Javad Parsa / NTB / NPK
Regjeringa opnar for å utsetje stenging av 2G-nettet
Teleskapa har planlagt å sløkkje 2G-netta sine neste år. No opnar regjeringa for å utsetje stenginga.
Norsk kommunalteknisk forening (NKF) reknar med at 120.000 tryggleiksalarmar, 35.000 heiser, og mange vatn- og avløpsinstallasjonar baserer seg på 2G-teknologi.
Også garasjeportar og alarmar for innbrot, brann og vasslekkasjar kan bli ramma av ei nedstenging av 2G-nettet, ifølgje NRK. I tillegg vil om lag 700.000 bilar miste det lovpålagde eCall, systemet som automatisk ringjar etter hjelp ved ei ulykke.
Teleselskapa Telenor og Telia har planlagt å sløkkje 2G-netta sine ved utgangen av 2025.
