Forsvarsminister Bjørn Arild Gram seier den sikkerheitspolitiske situasjonen er endra sidan gjeldande anløpsforskrift frå 2018 tredde i kraft. Frå 1. januar blir ei ny forskrift innført som skjerpar kontrollen av framande fartøy i norske farvatn.
Foto: Stian Lysberg Solum / NTB / NPK
Reglane blir stramma inn for framande fartøy i norsk farvatn
Regjeringa innfører ei ny anløpsforskrift som skjerpar kontrollen av framande fartøy i norske farvatn. Formålet er å styrkje den nasjonale tryggleiken.
Kontrollen med framande fartøy skal styrkjast under segling og anløp til norsk territorialfarvatn.
Forskrifta beskriv kva reglar som gjeld for framande fartøy som kjem til sjøterritoriet og indre farvatn.
– Den tryggingspolitiske situasjonen er endra sidan gjeldande anløpsforskrift frå 2018 tredde i kraft. Vi har også sett ei kontinuerleg teknologisk utvikling og auke i bruk av ubemanna og autonome fartøy, seier forsvarsminister Bjørn Arild Gram (Sp) i ei pressemelding.
