Undersøkingsgruppa har konkludert i saka om anonyme varsel som mellom anna var retta mot kommunedirektør Filippo Ballarin. Dei finn ikkje grunnlag for påstandane som blir framsett av brannmannskap.
FOTO: TORSTEIN TYSVÆR NYMOEN/GRETHE HOPLAND RAVN
Brannberedskap
Tilsyn avdekte fleire avvik i Etne brann- og redning
Direktoratet for samfunnssikkerheit og beredskap (DSB) gjennomførte eit tilsyn med Etne brann- og redning (EBR) 15. oktober 2024. Tilsynet avdekte heile ti avvik, og kommunen har no fått varsla vedtak om retting av avvika.
Tilsynet frå DSB blei i midten av oktober eit langt møte, der både dåverande brannsjef Finn Ulvund, verneombod Vigleik Gutubø, kommunalsjef Åsmund Andersen Sekse og fire representantar frå DSB var med heile dagen.
Ordførar i Etne Mette Heidi Bergsvåg Ekrheim og kommunedirektør Filippo Ballarin blei med på tilsynet på slutten av dagen, og denne veka blei rapporten frå tilsynet offentleggjort. Her kjem det fram at det blei avdekt heile ti avvik i EBR, som går på manglar innan både brannførebyggjande arbeid, dokumentasjon, og bemanning. No har Etne kommune fått varsla vedtak om retting av avvika, og det må vera gjort innan 1. februar 2025.
DSB peikar på at Etne kommune har eit stykke å gå for å oppfylla lovpålagde krav. Rapporten viser både manglar på ressursar og rutinar, men brannsjefen blir trekt fram som ein ressurs. Han har derimot avgrensa kapasitet med berre 50 prosent stilling innanfor brannadministrasjonen, og ingen som kan steppa inn om han skulle vera borte.
