Klokka 21.36 laurdag er naudetatane på veg til Bjoavegen ved Lundaneset i samband med ei utforkøyring. Ein bilist har køyrt ut av vegen i ein sving. Om bord i bilen var det òg ein passasjer.
Materielle skadar
Det er materielle skadar på køyretøyet.
Bilen har fått omfattande skadar i urforkøyringa.
FOTO: SVEIN-ERIK LARSEN
Det er uavklart skadeomfang på dei involverte, men dei skal vere ved medvit. Dette skriv Politiet i Sør-Vest i politiloggen.
Til legevakt for sjekk
Klokka 22.16 melder politiet at ambulanse-personell har undersøkt begge involverte. Ein person blir tatt med til legevakt for sjekk.
— Det er ikkje mistanke om rus eller promillekøyring. Politiet gjennomfører politiarbeid på staden med avhøyr og sporsikring no, skriv operasjonsleiar Victor Fenne-Jensen i meldinga.
Klokka 23.16 meldte politet at førar innrømmar straffskuld for uoppmerksamheit. Førarkortet til vedkommande er beslaglagt og sak er oppretta.