Det var klokka 16.09 sundag at politiet melde at nødetatane rykte ut til melding om brann i ein garasje på Bjoa.
Det var ein av dei tre bebuarane på adresse som sjølv melde frå om brannen.
Solcelle-anlegg
— Hovudhypotesen er at brannen starta i ei batteripakke tilhøyrande eit solcelle-anlegg, opplyser operasjonsleiar Steinar Knudsen i Sør-Vest politidistrikt.
Naboar blei bedne om å lukke vindauge og ventilar då det var ein ugunstig vind mot busetnad i området.
Farleg røyk
Røyken blei vurdert som farleg og mannskap frå nødetatane som skulle inn i området måtte kle seg i røykdykkar-utstyr. Også Haugaland Kraft blei varsla grunna at det er ei høgspentleidning like ved åstaden.
Brannmannskap blei verande på Bjoa ei god stund, for å unngå at flammane blussa opp igjen.
Foto: Jostein Viestad / Press Photography
Klokka 17.25 melde politiet at det var kontroll på staden.
— Brannvesenet blir igjen ei stund for å hindra at flammane blussar opp. Bebuarar i huset får bli, røyken skal vere tilnærma borte. Sak blir oppretta, melder operasjonsleiar Steinar Knudsen i Sør-Vest politidistrikt.