Konkurransetilsynet har gjort beslag i samband med umelde kontrollar hjå trafikkskular.
Foto: Terje Pedersen / NTB / NPK
Konkurransetilsynet granskar trafikkskular for ulovleg samarbeid
I november gjorde Konkurransetilsynet beslag hos fleire trafikkskular. Det er rimeleg grunn til å rekne med at skulane har brote klova, meiner tilsynet.
Konkurransetilsynet sikra bevis hos fleire trafikkskular i november på bakgrunn av ei avgjerd frå tingretten.
– Konkurransetilsynet har rimeleg grunn til å rekne med at det har gått føre seg eit ulovleg samarbeid i strid med konkurranseloven paragraf 10 mellom trafikkskular og har derfor gjennomført ein ikkje varsla kontroll for å få avkrefta eller stadfesta mistanken om dette, seier avdelingsdirektør Beate Berrefjord i Konkurransetilsynet.
Det blir ikkje nemnt kva trafikkskular det gjeld eller kvar desse ligg.
