Grethe Haaland Hjelmtveit, Valborg Lunde, Gunlaug Pedersen og Osmund Gravelsæter har lang fartstid i Etne Musikklag.
Foto: Irene Mæland Haraldsen
Korpsmusikk som livslang hobby
Korpsmusikk står sterkt i Etne og fleire musikantar har vore med i musikklaget i bygda i fleire ti-år. Enkelte over 50 år.
— Eg er med for det sosiale. Me kosar oss veldig. Dette er ein hobby ein kan halda på med heile livet, seier Osmund Gravelsæter (83) og stortrivst i Etne Musikklag der han starta i 1972.
Saman med Gunlaug Pedersen (78) har han lengst fartstid i musikklaget som blei stifta ein vårdag i 1927.
Då Osmund og Gunlaug starta i laget for 52 år sidan bestod korpset av 12 musikantar. Ei kort tid på 1980-talet talde musikklaget over 40 medlemmer, i dag er talet rundt 20. Alderen spenner frå tenåringar til vaksne godt over pensjonsalder.
