Ekstremvêret Ingunn, som ramma Nord-Noreg i fjor, blei den dyraste enkelthendinga i fjor. Her ser vi eit nedblåst tre ved Blåbærhaugen i Harstad.
Foto: Simen Loholt/iHarstad / NTB / NPK
Stor nedgang i naturskadeerstatningar
I fjor betalte forsikringsselskapa ut om lag 1,2 milliard kroner for naturskadar. Det er 3,4 milliardar mindre enn året før.
Det er Gjensidige som har utført berekninga for 2024, basert på statistikk frå Finans Norge.
Oversikta går tilbake til 1980. Når ein inflasjonsjusterer tidlegare år til dagens pengeverdi, går 2024 inn på ein niandeplass over åra med høgast utbetalingar. 2023 toppar lista.
Dei 1,2 milliard kronene i erstatningar i fjor fordelte seg på cirka 16.000 skadar.
