Regjeringa vil auke bøtene for trafikklovbrot ytterlegare, men politiet meiner satsane er høge nok som dei er.
Foto: Gorm Kallestad / NTB / NPK
Trafikkbøtene skal opp igjen – mot politiet sin vilje
Bøtene for trafikklovbrot bør aukast igjen, meiner regjeringa. Men politiet er usamd og meiner satsane er høge nok som dei er.
– Vi meiner satsane er såpass høge no at det ikkje er nødvendig å auke satsane for å halde oppe den preventive eller avskrekkande effekten på bøtene. Derfor er vi imot dette forslaget, seier fagdirektør Runar Karlsen i Politidirektoratet til NRK.
I 2023 vart bøtesatsane auka med 30 prosent, og i fjor auka dei i tråd med prisveksten, rundt 5 prosent. Også i år ønskjer regjeringa å auke satsane for å halde tritt med prisveksten.
Også sjef for Utrykkingspolitiet (UP) er imot auken.
