Berre fire fylke har lågare medisinbruk per innbyggjar enn Vestland.
Mykje av årsaka til at enkelte fylke har lågare bruk av medisinar per innbyggjar er alderen på befolkninga.
– Legemiddelbruken aukar kraftig med alderen, så det er ikkje overraskande at det er fylke med fleire eldre som toppar lista over legemiddelbruk. I tillegg er det generelle helseforhold og sosiale forhold som påverkar legemiddelbruken, forklarer Hanne Andresen, fagdirektør i Apotekforeningen, i ei pressemelding.
Ser ein på utviklinga i legemiddelbruken dei ti siste åra, er det likevel ikkje i fylka med høgast forbruk auken er størst. Det er innbyggjarane i Akershus som har hatt den største auken, på 33 prosent. Frå å vere eit av fylka med lågast forbruk i 2015, er dei i dag «midt på treet».
Sjå fullstendig fylkesoversikt under:
DDD* per person i 2024:
Østfold: 784
Innlandet: 767
Telemark: 738
Nordland: 715
Vestfold: 694
Buskerud: 694
Agder: 683
Finnmark: 676
Akershus: 668
Troms: 651
Vestland: 640
Trøndelag: 639
Møre og Romsdal: 636
Rogaland: 620
Oslo: 576
*DDD står for definert døgndose, og er ei internasjonal måleining for gjennomsnittleg døgndose av eit legemiddel for vaksne. DDD er eigna til å samanlikne utvikling over tid eller mellom ulike legemiddel, fordi det ofte finst mange ulike pakningsstorleikar og styrkar av same legemiddel.
(©NPK)