Etter fleire år med nedgang aukar andelen kvinnelege oppfinnarar i Noreg. Samtidig fell det samla talet på norske patentsøknader.
I fjor fekk Patentstyret 733 søknadar mot 948 tre år tidlegare. Ein nedgang på 23 prosent. På den positive sida auka den kvinnelege delen oppfinnarar, og er no oppe i 7,2 prosent.
– Vi skulle ønskje oss endå fleire, seier senioringeniør i Patentstyret, Elen Margrethe Brendeford i ei pressemelding.
– Internasjonalt ser vi den same tendensen, med svak auke i talet på kvinnelege oppfinnarar både i Europa og verda, legg ho til.
Mens menn er mest involverte i søknadar innan olje og gass, dominerer kvinnene i kategorien «menneskelege behov».
Patentstyret behandlar også søknadar for rettar til varemerke og design. Her er kvinneandelen 37 prosent.
(©NPK)