Andre strake heimesiger

Fjordar, som vindafjorddamene nå vil kalle seg, sigra mot Rubbestadneset 7er med 4-3 i seriestarten førre veke. Onsdag kveld var det det Nord sitt 9er lag som var på besøk på Hatteland Stadion i Nedre Vats. Det vart tidleg klart at heimelaget var det beste laget, og dominerte banespelet frå start av. Thea Karoline Blikra var frampå allereide etter 3 minutt og sendte Fjordar i leiinga. Laget heldt fram med å skape fine angrep, men utteljinga var dårleg resten av omgangen. Nord var óg på nokre sjeldne visittar i angrep, men forsøka som kom hadde keeper Silje Berge god kontroll på. Laga gjekk dermed til pause med stillinga 1-0.

To raske mål

Det var det samme kampbildet óg etter pause, og denne gongen fekk heimelaget betalt tidleg i omgangen. Først var Thea Karoline Blikra på plass og skåra sitt andre mål for kvelden. Nokre få minutt etterpå kunne Rebekka Eide sette inn 3-0, etter at Blikra hadde skote i stolpen. Kampen var med dette så godt som avgjort, og resten av oppgjeret vart ei transportetappe mot 90 minutt og siger for Fjordar.