– Med den nye løysinga kan du setja nytt passord ved å skanna norsk pass eller nasjonalt ID-KORT i BankID-appen. Det tek eit par minutt, og dermed er du klar for å bruka BankID igjen. Løysinga er også tryggare enn andre metodar, skriv BankID Bankaxept i ei pressemelding.
Nordmenn gløymde passordet til BankID ein million gonger i 2024. Fram til no har dei måtta gå via kundeservice i banken eller funne kvar enkelt banks gløymt passord-funksjon.
Eika har vore pilot for løysinga og seier dei berre har gode erfaringar.
– Det samla talet på førespurnader om BankID har falle med 35 prosent per månad frå siste kvartal av 2024. Både kundar og rådgivarar er lykkelegare med denne sjølvbeteninga, seier leiar Erlend Sundvor for betaling og infrastruktur.
(©NTB)