Lilly Øren i Etne-drakt. Denne sesongen har ho meldt overgang til FK Haugesund.
Lilly Øren (15) tatt ut til landslaget igjen
Etne-jenta Lilly Øren er tatt ut til det norske J16-landslaget som skal spela UEFA Development Tournament i Wales i april. Den unge midtbanespelaren, som nyleg melde overgang til FK Haugesund, er rekna som eitt av dei største fotballtalenta på Haugalandet.
Landslagstrenar Elise Brotangen har tatt ut troppen til turneringa i Wales frå 21. til 28. april. Der skal Noreg spela tre internasjonale kampar; tysdag 23. april: Noreg – Wales, torsdag 25. april: Noreg – Skottland, og søndag 28. april: Noreg – Danmark.
Alle kampane går føre seg i Wales som del av UEFA sitt utviklingsprogram for unge landslagsspelarar.
Det melder FK Haugesund på sine eigne heimesider.
