Fv. 548 Skånevik-Nesvåg-Flesjo står på lista over vegprosjekt som skal lysast ut i 2025. Eileen Selland er kommunalsjef i Etne. Fotomontasje: Grannar / Google Maps
Samferdsel
Håpar på start neste vår
Den mykje etterlengta oppgraderinga av fylkesveg 548 Skånevik-Flesjo er eitt steg nærmare å bli realisert. Går alt etter planen kan det bli oppstart neste vår.
— Ein satsar på første spadestikk tidleg på våren 2026, opplyste kommunalsjef Eileen Selland då ho orienterte formannskapet om arbeidet med vegstrekninga Skånevik- Flesjo.
Arbeidet vil starte ved omsorgssenteret i Skånevik og fortsetja fram til Ytre Nes. Grunnervervet er i gang og så snart alt er på plass kan anbodsrunden ta til.
— Det blir ein totalenterprise og utlysing blir i haust, sa Selland.
