– Det finst over tusen forskingsartiklar om effektar av lys på laks og aure. Oppdrettarar har spurt etter kunnskapsbasert oversikt, så no har vi ute ei spørjeundersøking om lysbruken deira, seier Anja Striberny, prosjektleiar frå Nofima, i ei pressemelding.
Striberny håpar industriaktørane svarer på undersøkinga slik at forskargruppa kan setje kunnskap og praksis i samanheng.
Prosjektgruppa skal kartleggje lysbruken til oppdrettarane, men òg gå gjennom litteratur og gjennomføre forsøk med lys og fisk.
Lysstyring er vanleg å bruke i oppdrett for at fisken skal vekse godt, smoltifisere samstundes og unngå å bli kjønnsmoden. Måten fisken blir styrt av lyset på, er ved å regulere intensiteten, kvaliteten, og tidsintervallet på lyset som omgir fisken.
Når lysmiljøet skal sjåast på frå fisken sitt perspektiv, kjem forskarane til å kome med anbefalingar til lysregime som er best tilpassa biologien til fisken.
Dette kan bidra til betre velferd i norsk lakseoppdrett
(©NPK)