Madeleine Eilerås Aasen (40) har hatt ein sterk start på konkurransesesongen i bikinifitness. No er ho klar for VM.
FOTO: Privat
Trening, disiplin og draumen om pallen
Madeleine Eilerås Aasen (40) frå Etne bur på Halsnøy, jobbar offshore og har denne hausten debutert som utøvar i bikinifitness. Etter fleire sterke plasseringar i sin første sesong er ho no klar for VM i Spania.
Dedikasjon, vilje og disiplin er viktig for Madeleine Eilerås Aasen (40), som denne hausten har debutert som utøvar i bikinifitness.
— Eg har alltid hatt eit ønske om å stilla på scena i bikinifitness. Med to barn og alt som skjer i livet, har det ikkje vore tida for det. Men timinga blir aldri perfekt, så eg berre gjorde det til slutt, seier Madeleine.
Ho kjem frå Etne, men bur på Husnes saman med familien, og jobbar offshore.
