Apoteka oppmodar folk til å returnere ubrukt antibiotika

Antibiotikaresistens utgjer ein stor helsetrussel. Derfor oppmodar apoteka folk til å returnere ubrukt antibiotika for å unngå at stoffa hamnar i naturen.

– Antibiotika som blir kasta i søpla eller i toalettet, kan vere med på å skade naturen og gjere bakteriar resistente mot antibiotika. Returnerer du ubrukt antibiotika til apoteket bidreg du både til å ta vare på naturen og å førebyggje antibiotikaresistens, seier allmennlege og leiar Sigurd Høye for Antibiotikasenteret for primærmedisin (ASP) ved UiO i ei pressemelding.

Ubrukt antibiotika skal leverast tilbake til apoteka, og kan gjerast heile året.