Arild har tatt straumrekninga i eigne hender
På garasjetaket og hustaket til Arild Stenberg i Etne skin sola ikkje berre til glede for plantane i hagen. Ho ladar også opp eit Jaguar-batteri som står trygt i garasjen, og som gjer at familien kan bruka sin eigen solkraft også etter at sola har gått ned. — Regjeringa burde støtta folk til å produsera sin eigen straum, seier Stenberg.
Arild Stenberg har funne ei eiga løysing på straumkrisa. Med 30 solcellepanel og eit resirkulert Jaguar-bilbatteri lagrar han no straumen han sjølv produserer, og han meiner det er her nøkkelen til eit grønt, berekraftig og smart straumsystem ligg.
— Her ser du batteriet, seier Stenberg og peikar mot den store metallboksen.
Han kan opplysa at det er eit gammalt elbilbatteri frå ein Jaguar. Han synest det er litt stas, sidan Jaguar og Land Rover er same firma.
