Black Friday: Ingen» stoler på førprisen

Ei ny undersøking frå Forbrukarrådet viser at 80 prosent av oss har liten til ingen tillit til at vi faktisk gjer eit godt kupp under årets handlefest.

– Etter at vi fekk nye reglar for prismarknadsføring i 2023, har tilliten til tilboda dalt. Vi ser endå fleire i år enn i fjor som ikkje stoler på at førprisen faktisk stemmer, seier fagsjef i Forbrukarrådet, Thomas Iversen i ei pressemelding.

Dagens regelverk seier at dei næringsdrivande må ha hatt førprisen i 30 dagar før dei kan setje ned prisen og marknadsføre produktet som på sal». Problemet er berre at mange då skrur prisane unaturleg høgt opp i månaden før Black Friday – for så å justere ned til eit meir normalt nivå i salsmånaden.