Får støtte frå nytt kulturfond

Det nye kulturfondet skal styrke kunst- og kulturfeltet lokalt og regionalt, og støtta spenner over musikk, scenekunst, visuell kunst, litteratur og immateriell kulturarv. I den første tildelingsrunda frå det nye regionale kulturfondet i Rogaland har 66 av 140 søkarar fått støtte, skriv Rogaland Fylkeskommune på sine nettsider.

Totalt er 5,6 millionar kroner fordelt til både frivillige og profesjonelle aktørar i fylket. Tildelingane varierer frå 25 000 til 300 000 kroner. Blant mottakarane finn me pianisten Håvard Ersland frå Imsland. Ersland har fått 60 000 kroner i støtte.

Jon Inge Zazzera, seksjonssjef for kunst- og kulturutvikling i Rogaland fylkeskommune, seier at det er stor variasjon i tiltakene som får støtte, og at både profesjonelle og frivillige prosjekter er representerte.