Mykje av plasten endar opp i forbrenningsanlegga.
Foto: Berit Roald / NTB / NPK
Hushalda kastar mest plast
Plastavfall frå norske hushald utgjorde 230.000 tonn av plastavfallet for to år sidan. Og det meste hamna i restavfallet.
– Hushalda, tett etterfølgde av dei tenesteytande næringane, kasta mest plast i 2023. Hushalda og dei tenesteytande næringane stod for til saman 64 prosent av det berekna plastavfallet, seier seniorrådgivar Manju Chaudhar i Statistisk sentralbyrå (SSB) i ei pressemelding .
Rundt 700.000 tonn plast vart kasta i 2023. I underkant av 400.000 tonn hamna i restavfallet, medan 160.000 tonn var utsorterte. Av det vart 70 prosent sende til gjenvinning.
– Dette viser at det nyttar å sortere, skriv SSB.
