Riksantikvaren fredar tresliperi

Tresliperiet på Kistefos på Jevnaker er blitt freda av Riksantikvaren. – Eit viktig og verdifullt industrianlegg i norsk historie, skriv dei.

– Kistefos Træsliberi er ein viktig representant for den norske treforedlingsindustrien frå slutten av 1800-talet. Produksjonen her var med på å byggje landet vårt. Det er ein sentral del av historia om Noreg som blir freda no, seier klima- og miljøminister Andreas Bjelland Eriksen (Ap) i ei pressemelding.

Kistefos Træsliberi vart etablert i 1889 og var i drift fram til 1955. Tresliperiet ligg på ei halvøy i Randselva, i Jevnaker kommune i Akershus fylke.