Finansminister Jens Stoltenberg seier han aldri har opplevd at ein ordførar har sagt at han har nok pengar. Han meiner det ikkje er rett, slik KS hevdar, at pengekrisa i kommunane er ho verste på 40 år.
Foto: Cornelius Poppe / NTB / NPK
Stoltenberg blir kritisert for å avvise kommunekrise: – Toppen av arroganse
Finansminister Jens Stoltenberg avviser KS’ påstand om den verste kommunekrisa på 40 år. Uttalen fell ikkje i god jord hos SV og Fagforbundet.
– Dette må vere toppen av arroganse. Stoltenberg har tydelegvis vore for lenge i storpolitikken, og gløymd kva ein kommune er, seier kommunalpolitisk talsperson Anne Lise Fredlund i SV til NTB.
2024 vart eit sørgjeleg år for kommuneøkonomien, med 58 prosent av kommunane i landet i underskot, viste ein analyse frå organisasjonen til kommunesektoren KS i sommar. Pengekrisa har ikkje vore så ille på 40 år, konkluderte dei.
