Sveinar Kringlebotten framfor garasjen han har utstyrt med solceller.
Foto: Grethe Hopland Ravn
Sveinar satsar på sola: – Det er utruleg kjekt å sjå kor mykje straum eg produserer
Sveinar Kringlebotten i Etne har drive med energi og enøk i tre tiår. No meiner han tida aldri har vore betre for å investere i solcelleanlegg.
— Eg har alltid vore opptatt av enøk, fortel Sveinar Kringlebotten, som allereie på 1990-talet begynte å installera varmepumper for kundar, lenge før det blei vanleg.
Men for fem år sidan tok interessa for fornybar energi eit nytt steg, då han oppdaga potensialet i solceller.
– Eg tenkte Søren, dette må eg prøva!» Eg installerte sjølv eit anlegg på huset mitt, betalte 350.000 kroner. Då eg såg kor bra dette var, blei eg heilt frelst, seier han.
