Grannar.no https://grannar.no Lokalavisa for Etne og Vindafjord Mon, 22 May 2017 22:01:28 +0000 nn-NO hourly 1 Vgs-elevar blei sett pris på https://grannar.no/2017/05/vgs-elevar-blei-sett-pris-pa/ Mon, 22 May 2017 22:01:28 +0000 https://grannar.no/?p=81756 Både røyken, og lukta av røyken gir seg til kjenne før ein svingar inn i Bjørnsonsgate i Haugesund, der ein stor grill bognar med godsaker. Pølser og hamburgarar ligg og fresar, dei glinsar i feitt og ser aldeles forlokkande ut. På eit stort bord, ligg hamburgarbrød, pølsebrød, ketchup, sennep, dressing, spøsteikt løk og salat klar til bruk, og det står mugge på mugge med både raud og gul saft klare for tørste svelg. Dette har førsteklassingane gledd seg til i fleire månadar, for å gjera kvardagen litt lettare for dei som skil seg ut frå det klassiske A4-formatet.

— Dette er heilt glimrande! At folk gidd å setja i stand noko slikt, for folk som oss er berre heilt topp. Dei fortener all skryt dei kan få, seier Tor Arne Våge som er ein av dei mange rusmisbrukarane som gler seg over dagens overrasking.

Islandske Skuli Johannsson er einig.

— Eg er heilt overraska over at dei kjem heilt frå Ølen, berre for å grilla for oss. Den såg eg ikkje koma, seier Johannsson mens han momsar nedpå ei pølse i brød, og nyt eit stort glas saft.

Det ser ut til at det gjer godt. Uendeleg godt.

At folk gidd å setja i stand noko slikt, for folk som oss er berre heilt topp

Tor Arne Våge, rusmisbrukar

Eit etterlengta og tilfredsstillande avbrekk den daglege rutinen, som for mange av rusmisbrukarane handlar om å selja bladet Asfalt til folk.

Menneske på skråplanet

Grilldagen er eit samarbeid mellom helse- og oppvekstlinja i Ølen, og Kirkens bymisjon i Haugesund. Sjølv om denne dagen har vore planlagt i rundt tre månadar allereie, var det ein spent gjeng som reiste til Haugesund for å gjennomføra prosjektet. Mange av elevane blei ganske nervøse før dei kom ut, og mykje handla om korleis dei skal møte desse menneska som har hamna litt på skråplanet i samfunnet. Men opplevinga blei hjarteleg for alle partar.

— Det var ein utruleg hyggeleg gjeng! Dei var positive til at me kom, dei tøysa og tulla, og var i veldig godt humør, seier Hanne Rugtveit frå Skjold.

Både ho og klassevenninna Thea Fredriksen Oen synest det er viktig å setja fokus på dei litt gløymde samfunnsgruppene.

— Dei er like viktige som oss. Å sjå alle som menneske og vise dei respekt er noko alle kan bli flinkare til, seier Oen.

Inspirert av Petter Uteligger

Kontaktlærar for klassen, Iren Eike, var hjernen bak heile grilldagen, og ideen dukka opp ein gong dei såg Petter Uteligger i ein skuletime.

— Tv2-serien Petter Uteligger har me sett mange episodar av i klasserommet, og alle er blitt stor fan av denne fantastiske serien. Me har diskutert ein god del, og eg synest me må få til ein haldningsendring, seier Eike.

Ho meiner folk som i dag lever innanfor grensene av det såkalla A4-livet, tar alt for mykje for gitt. Folk er alt for lite flinke til å tenkja at ikkje alle har det slik. Ikkje alle er like heldige.

— Å visa respekt gjeld alle menneske i alle samfunnsgrupper, og det skulle berre mangla at me tok turen frå Ølen til Haugesund i dag. Det har vore ei sann glede i eit nydeleg vêr, seier Eike.

Når elevane er med på slike prosjekt får dei dekka mange av kompetansemåla i fagplanen, og slike praktiske oppgåver snakkar elevane utelukkande positivt om.

Den «gløymde samfunnsgruppa» fekk plutseleg eit ansikt. Personar dei kan relatera til seinare. Menneske med kjensler, smil, svoltne magar, som kanskje har gnagsår på hælane etter å ha traska gate opp, og gate ned, for å selja magasinet sitt, Asfalt. Teori sett ut i praksis, på ein framifrå måte.

]]>
Siste frist https://grannar.no/2017/05/snart-siste-frist/ Mon, 22 May 2017 17:00:40 +0000 https://grannar.no/?p=81396 Grannar sin fotokonkurranse til årets Sommarmagasin går mot slutten. Lesarane er inviterte til å senda inn bilde som ei marknadsføring av distriktet, for å lokka folk til Vindafjord og Etne og få fleire ut på tur langs fjord og fjell.

Sendt ditt bidrag på e-post til foto@grannar.no innan midnatt måndag 22. mai og merk sendinga med «Fotokonkurranse».

Skriv litt om motivet og namn på fotograf.

Førstepremie er ein mini iPad. Tre andre bidragsytarar vil få kvar sine fem Flax-lodd.

Alle bilda blir lagt ut i fotoalbum på grannar.no.

 

Lukke til!

 

Arne Frøkedal
redaktør

 

 

 

]]>
Tysdag marsjerer bøndene i Oslo https://grannar.no/2017/05/tysdag-marsjerer-bondene-oslo/ Mon, 22 May 2017 15:00:18 +0000 https://grannar.no/?p=81737 Både bannarar, traktorar og siloballar med klar melding om å snu i dagens landbrukspolitikk, er strategisk plasserte fleire stader i Vindafjord. I den femte største husdyrkommunen i landet er det protestar og frustrasjon over kåra regjeringa vil tilby bøndene.

Det førte også til brot mellom landbruksorganisasjonane og staten i jordbruksforhandlingane.

Berre dagar før forhandlingane starta den 9. mai vedtok Stortinget ei landbruksmelding som gav litt andre forhåpningar i jordbruket sine rekkjer enn tilbodet dei seinare fekk presentert.

Nærmare 30 bønder frå Vindafjord reiser til Oslo for å vere med på den store markeringa på tysdag.

 Stortinget er halmstrået

— Vi gamblar på at Stortinget tar ansvar og følgjer opp meldinga si. Det er i alle fall eit halmstrå vi har. Det blir sagt at forhandlingsinstituttet er i fare når bøndene bryt forhandlingane og oppgjeret går til Stortinget. I dette tilfellet er det naturleg når regjeringa ikkje følgjer opp den politikken Stortinget har vedtatt, seier Norleif Fjeldheim som var med på aksjonen i Skjold.

Bilar suste forbi på den nye europavegen og fleire fløyta og viste tommelen opp for bøndene si markering.

Og markeringar kan det bli fleire av framover, fortel Jan Idar Haugen som sit i styret i Rogaland bondelag.

— Vi vil få fram kva matproduksjonen er og kva den betyr. Landbruksminister Dale snur ting på hovudet når han seier at andre yrkesgrupper må subsidiere bøndene. Sjå berre i Vindafjord kor mange arbeidsplassar som blir skapt gjennom to slakteri, transportnæringa og lokale handtverkarar. Dessutan heng vi etter i lønsnivå, seier han.

Vi gamblar på at Stortinget tar ansvar og følgjer opp meldinga si
Norleif Fjeldheim

Kamp om kroner

Haugen seier det for bøndene er viktigast kor mange kroner dei får ut av eit oppgjer, og ikkje prosentvis auke. Det er berre reelle kroner og ikkje prosentar som kan tette gapet til andre yrkesgrupper.

Her er forskjellen i krav og tilbod:

  • Bondekravet er 1.450 millionar kroner i auka ramme, der 1.150 millionar er budsjettstøtte og 150 millionar kroner i auka målpris. I tillegg 71 millionar i auka effekt av jordbruksfrådraget, og 79 frå udisponerte midlar frå før.
  • Staten sitt tilbod er 410 millionar kroner i ramme der 177 er budsjettstøtte og 150 millionar kroner er auka målpris, 4 millionar kroner effekt av jordbruksfrådraget og 79 frå ubrukte midlar.

Avstanden er dermed først og fremst kor mykje staten vil gi over budsjettet.

— Det ligg an til at bøndene får 8.000 kroner og andre grupper 16.000 kroner i vekst i snitt. Det er ikkje å tette igjen gapet til andre grupper, seier Haugen.

Ramma av prinsipp

Satsinga på små og mellomstore bruk, ser Haugen lite av. Dei siste åra har det skjedd ei politisk omfordeling der dei store bruka får meir av kaka, medan dei mindre har tapt terreng.

— Fleire vil få ein skikkeleg minus fordi det er lagt inn auka pris på kraftfôr og mindre tilskot til bruk av innmarksbeite. Det er mange som er avhengig av innmarksbeite og kan ikkje leggje om drifta frå det eine året til det andre. Dette blir så store summar at det vil merkast, seier Haugen.

Kollegaen Magnar Fjeldheim er blant fleire bønder i Skjold som er spesialiserte på gris. I tillegg til auka pris på kraftfôr, er han redd for konsekvensane for at marknadsordninga for gris er fjerna i tilbodet.

— Det er ei ordning bøndene betalar sjølv. Det er vanskeleg å regulere produksjonen berre gjennom marknaden. At vi kan eksportere ein liten topp gir langt mindre tap enn om vi må ta ut eit overskot av kjøt i den norske marknaden. Reguleringa kostar staten ingenting og det er rein liberalistisk ideologi frå Frp-statsråden som ligg bak, seier han.

Håvard Tveit (34) og Nils Olav Hjelmeland (32) er blant dei yngste som har overtatt gard i Skjold.

— Det er ei generell misnøye med at jordbruksmeldinga ikkje blir følgt opp for små og mellomstore bruk, meiner dei.

]]>
Siger, tap og uagjort https://grannar.no/2017/05/siger-tap-og-uagjort/ Mon, 22 May 2017 10:00:33 +0000 https://grannar.no/?p=81774 Torsdag kveld tok Etne turen til Sauda for å møta laget som ligg på sisteplass på tabellen utan poeng. Etne på si side har funne formen, og tatt seks poeng på dei siste to kampane. Og Etne skuffa ikkje og tok tak i kampen frå start utan å komma til dei heilt store sjansane .

Sauda kom til eit par sjansar i den første omgangen, men det var Etne som opna skåringane. Thomas Lien plasserar ballen i krysset til 0-1. Seinare i omgangen er det Sauda sin tur til å smelle ballen i krysset, og dermed utlikning til 1-1 få minuttar før pause.

Punkterte kampen

Etne gjekk ut i eit høgt tempo etter kvilen, og fekk sine sjansar tidleg i den andre omgangen. Berre seks minuttar ut i omgangen sit ballen i nota frå Kristoffer Grønstad, etter ypperleg førearbeid av Lukas Chybowski. Sauda gav litt opp etter dette, og Etne spelte seg til ei handfull sjansar utover omgangen. Erling Bjarte Rullestad sette inn det siste målet og trygga leiinga mot slutten.

Etter tre strake sigrar står nå Etne med 9 poeng etter 6 kampar, og har lagt seg på 7. plass på tabellen. Laget får besøk av Leirvik Ballklubb førstkomande torsdag.

Målrikt på Frakkagjerd

Det vart eit fartsfylt og spanande oppgjer då Ølen tok turen ut til Tysvær og spelte mot Stegaberg på fredag. Kampen kunne nesten virka køyrd for Ølen då dei låg under 3-1 halvtimen før slutt. Men ei god avslutning på kampen gjorde sitt til at Ølen klarte å utlikne eit par minuttar før full tid. Ølen kunne jamvel ha tatt alle poenga med seg, for det siste som skjedde i kampen var at Oliver Vestbø heada ballen i tverrleggjaren og ned på streken. Men alt i alt var resultatet rettferdig.

— Me vart køyrde i opninga av begge omgangane, seier Ølen-trenar Ole Arne Pedersen i ein kommentar.

— Men me hadde eit bra trykk på dei den siste halvtimen, så eg meiner uavgjort er eit fortent resultat for oss. Og me kunne faktisk ha tatt det på slutten, seier Pedersen.

Ølen ligg på 11. plass på tabellen med 6 poeng etter 6 kampar.

Ølen tek imot Torvastad i neste runde. Kampen blir spela måndag 29. mai.

Nedtur på Karmøy

Vats 94/Skjoldar har vore det gjerrigaste laget til nå i divisjonen, med berre sju baklengsmål før denne runden. Men denne gongen måtte dei sjå fire ballar i målet bak seg. Åkra 2, som nok stilte med eit noko betre mannskap enn i bortekampen mot Etne nyleg, straffa Vindafjord-klubben hardt i den første omgangen. Det stod heile 3-0 til Åkra 2 då laga gjekk til pause.

— Me spelar slett ingen dårleg kamp mot Åkra 2, men laget me møtte var veldig godt, seier Per Ivar Innvær. Oppmannen på Vats 94/Skjoldar meinar at Åkra 2 er det beste laget dei har møtt til nå i år.

— Dei går på fleire samtidige løp, og får oss ut av posisjon. Og dei er effektive i angrep i motsetning til oss. Me har òg mange fine angrep i kampen, men dei renn ut i sanden i det siste eller nest-siste trekket. forklarar Innvær.  Ørjan Grunnaleite reduserte på slutten av kampen som enda 4-1.

Laget tar med seg mykje positivt inn i neste kamp som er heime mot Sauda. Kampen går i Vats måndag 29. mai, og er ein kamp Vats 94/Skjoldar må vinna.

Vats 94/Skjoldar ligg nå på ein 12. plass med 5 poeng etter 6 kampar.

 

Tabell 5. divisjon avd. 04

    Kampar Poeng
1 Haugar 7 19
2 Vedavåg Karmøy 6 16
3 Skudenes 7 14
4 Hemmingstad 6 12
5 Åkra 2 7 12
6 Nord 7 10
7 Etne 6 9
8 Leirvik Ballklubb 7 9
9 Stegaberg 7 9
10 Torvastad 7 7
11 Ølen 6 6
12 Vats 94 / Skjoldar 6 5
13 Kopervik 2 6 3
14 Sauda 7 0

 

 

 

]]>
Mistanke om ruskøyring https://grannar.no/2017/05/mistanke-om-ruskoyring-2/ Mon, 22 May 2017 07:44:07 +0000 https://grannar.no/?p=81892 Ei kvinne i 30-åra vart stoppa av politiet i Etne måndag føremiddag, etter at dei fekk melding om ein bil som køyrde vinglete. Kvinna verka rusa då politiet kom til staden. — Naudsynte prøvar er tatt, skriv Sør-Vest politidistrikt på Twitter.

]]>
Spennande for speidarar https://grannar.no/2017/05/spennande-for-speidarar/ Mon, 22 May 2017 03:28:56 +0000 https://grannar.no?p=81858&preview=true&preview_id=81858 — Eg har gått i speidaren i snart eitt år og synest det er kjempekjekt. Me har lært å knyte knutar, eller i alle fall båtsmannsknop, og så har me lært om brann. Me har også lagt bål og så veit me korleis me skal legga armen og hovudet på nokon som er skada. Kva posisjonar og slikt, fortel Damien Espedal frå Vikebygd, medan han freistar å vise stabilt sideleie ståande. Han gler seg til å sove i telt, men er usikker på om han har sovepose med, for han har ikkje pakka sjølv.

Eg har gått på speidaren i snart eitt år og synest det er kjempekjekt

Førstereis

Det var mange blant deltakarane som var på leir for aller første gong, og dei ulike speidargruppene hadde med seg mange vaksne leiarar og foreldre for  å klare denne natta på leir på Karmøy. Det er endringar i KFUK-KFUM sine alderstrinn som i år førte til at leiren var open for første til fjerde klasse. Dei to yngste trinna er «Oppdagarar», medan dei to andre kallar seg «Stifinnerar».

—Me gler oss til å sova i telt, eta mat, læra nye ting, bruka øks, hoppa i sovepose, eta snop, ha det gøy og vera med venner, svarer jentespeidarane til Skjold.

Dei var alle med for første gong og hadde installert seg i ein lavvo tidleg på dagen. Soveposar og liggeunderlag var rulla ut, kven som skulle sove med kven var avgjort og sekkane var tømde for å få alt snop ut.

Dei eldste

I småspeidarleiren er det sjølvsagt mykje og mange som treng hjelp til noko, og då er det bra at dei eldre speidarane i gruppene er med som hjelpeleiarar. Både Vandrarar og Roverar budde i leiren saman med gruppene sine for å hjelpe dei yngre. Mange hadde sjølv starta si speidarkarriere i denne leiren, møtt venner og knytt kontaktar mellom dei ulike gruppene i kretsen.

—Eg har vore med i speidaren sidan eg var gammal nok. Det er kjekt å læra nye ting, ulike bål og knutar og så har me sjølvsagt lært førstehjelp. Det eg likar best med speidaren er å vera med venner, og her på leiren er det aller kjekkaste å gå nattevakt i leiren, og eg gler med til mi vakt i natt, seier Fredrik Sundve, 14 år frå Vikebygd.

 

Dugnadsleir

Ein så stor leir treng mykje arbeid og organisering. Det går på rundgang blant deltakargruppene kven som skal stå som arrangør. I år var det Vikebygd, Skjold og Husnes. Kretsen som tidlegare var saman med Hordaland, men vart delt på grunn av storleik, dekker Nord-Rogaland og Sunnhordland. Det er 50 grupper i kretsen og om lag 1.600 speidarar. På landsbasis har KFUM-KFUK merka eit oppsving i medlemstalet på to prosent og dei lokale gruppene melder om auka interesse her også.

—For mange er dette deira fyrste møte med speidarlivet og andre speidargrupper. Dei har kanskje aldri sove ute før og då vert denne leiren ei ny og spennande oppleving. Leik, venner, meistring og samhald er viktig her. Me i arrangementskomiteen har sjølvsagt hovudansvaret, men alle gruppene hjelper til gjennom heile leiren, så det er ikkje vanskeleg å ha ansvaret, fortel leirsjef Inger Kathrine Sundve frå Vikebygd.

Konkurranse, leik og moro

Når så mange born samlast, er det mykje leik som står på programmet. Fyrst skal teltleiren riggast, nokon hjelper til så godt dei kan medan andre berre ventar på å flytte inn. Etter at alle var komne på plass, var det tid for flaggheising og mat. Eit godt organisert maskineri, med påsmurd brødmat i eit telt og drikkestasjonar utanfor.  Så var det kretskonkurranse med mange ulike postar der førstehjelp, leik, pionering og mykje anna dukka opp. Leirbål er sjølvsagt på speidarleir før alle små måtte finna soveposen, ikkje få heimlengsel og forhåpentlegvis sove eit par timar før revelje og ein ny leirdag.

]]>
Får midlar mot barnefattigdom https://grannar.no/2017/05/far-midlar-mot-barnefattigdom/ Sun, 21 May 2017 15:47:55 +0000 https://grannar.no?p=81855&preview=true&preview_id=81855 Til saman 193 millionar kroner er fordelte ut over landet i arbeidet mot barnefattigdom. Medan Vindafjord ikkje er blant kommunane på tildelingslista, får Etne 98.000 kroner. Kenneth Karlsen i Etne Frp er glad for at kommunen kan vera med å hjelpa dei vel 98.000 barna i låginntektsfamiliar i Noreg.

— Difor er eg glad for at regjeringa i år til samen tildeler 188 millionar nasjonalt til dette føremålet, og at Etne skyttarlag i vår kommune mottar 75.000 kroner av denne tildelinga. Dette er midlar som kjem dei svakaste til gode, og kan utgjera ein betydeleg forskjell for dei det gjeld, uttaler Karlsen.

Han trur at mange ikkje tenkjer over at barnefattigdom er eit stort problem i Norge i 2017, men at dette likevel noko som berører oss alle.

— Me bur alle i lokalsamfunn kor nokre barn ikkje har dei same sjansane som resten. Derfor er eg utruleg glad for at H/Frp-regjeringa har styrka arbeidet mot barnefattigdom dei siste fire åra. Alle barn fortener ein god oppvekst, og å kunna få delta på ulike ferie- og fritidsaktivitetar. Ingen barn skal måtte føla seg utanfor, og tenkja at dei ikkje skal få de same moglegheitene som resten av klassen, seier han.

Etne skyttarlag får midlar som skal brukast på utlån av våpen og utstyr, samt dekking av kostnader til ammunisjon, påmelding og reiser for medlemmer der økonomi er avgrensa for deltaking. Dette innebere gratis utlån av våpen, utsyr og/eller å dekka kostnader med påmelding og reise til ungdom som ynskjer å delta.

— Frå Etne kommune var det berre éin søknad, og den vart godkjent. Me vonar at fleire organisasjonar og kommunen sjølv, søkjer på desse midlane i framtida også, seier Kenneth Karlsen.

]]>
Funnen på Romsa https://grannar.no/2017/05/funnen-pa-romsa/ Sun, 21 May 2017 14:12:42 +0000 https://grannar.no/?p=81839 Ein eigarlaus båt er funnen på land på Romsa. Operasjonssentralen i Sør-Vest politidistrikt i Haugesund lurer på om nokon kjenner til båten.

]]>
Statnett klagar på skatt https://grannar.no/2017/05/statnett-klagar-pa-skatt/ Sun, 21 May 2017 13:16:15 +0000 https://grannar.no/?p=81830  

Statnett klagar på vedtak Vindafjord kommune har gjort for eigedomsskatten selskapet skal betale for 2017. Den baserer seg på den forrige taksten i 2007 som var på 95 millionar kroner. Klagen gjeld kraftleidningane gjennom Vindafjord der Statnett meiner kommunen ikkje har tatt omsyn til slitasje og alder på anlegget, og levetida det har. Det er snakk om prinsipp for taksering som nettselskapet tidlegare har fått medhald i Gulating lagsmannsrett om at er ulovlege å bruke.

Selskapet ber om at grunnlaget for eigedomsskatten i Vindafjord blir i tråd med dommen lagmannsretten fatta i fjor. Den prinsipielle saka skal opp i Høgsterett, og partane er samde om at kommunen skal vente med å handsame klagen til etter at Høgsterett har sagt sitt.

]]>
Vellukka flytting av laks https://grannar.no/2017/05/vellukka-flytting-av-laks/ Sat, 20 May 2017 12:02:03 +0000 https://grannar.no/?p=81775 Anlegget på Molnes i Etne er den største lukka merden i verda, og Marine Harvest har for første gong flytta 200.000 laks frå dette anlegget over til eit tradisjonelt ope anlegg.

— Fisken har vakse svært bra, og vi har ikkje opplevd utfordringar med lakselus og sjukdom, fortel driftsleiar Jan Eirik Jensen i ei pressemelding frå selskapet.

Heilt etter planen er laksen flytta til eit tradisjonelt oppdrettsanlegg eit par kilometer unna der den skal vekse vidare i eitt års tid før den skal slaktast.

 Endrar produksjonen

Forskingsanlegget til Marine Harvest på Skånevikstranda har sidan i haust hatt 200.000 laks i ei merd som er 40 meter i diameter og 23 meter høg, og er eitt av få lukka anlegg som blir testa ut. På seks månader har laksen vakse frå smolt på 118 gram til smålaks på 1,2 kilo.

Den største oppdrettaren i verda, som har base i Bergen, testar ut fleire typar framtidig teknologi innan oppdrett.

— Utfordringane med lakselus gjer at vi må endre måten vi produserer laks på, og det brukar Marine Harvest store ressursar på, opplyser Ola Helge Hjetland, kommunikasjonsdirektør i Marine Harvest.

I eit par år har det vore forsking og utprøving på Molnes, og ved eit tidlegare forsøk kunne dei ikkje flytte laksen vidare frå det lukka anlegget.

 Testar vidare

Selskapet har gjort endringar som førte til ei vellukka flytting i det nye forsøket. Testinga held fram og i neste runde er planen å setje inn 400.000 smolt i det lukka anlegget. Marine Harvest har konsesjon for å setje ut éin million laks i anlegget.

Ein av hovudgevinstane med lukka anlegg er at fisken er større når den blir sett ut i sjøen, og treng kortare tid i eit ope anlegg der den er utsett for lakselus.

]]>