Kva er viktigast når du skal velja utdanning?
– Det viktigaste for meg er at eg skal trivast med det eg har valt. Eg trur eg kjem til å velja idrettsfag på Ølen vgs til hausten, for eg elskar gym.
Julie Hamre
– Trivsel er det viktigaste for meg når eg skal velja utdanning. Eg likar å jobba med menneske, og synest det er spennande med anatomi. Derfor har eg lyst til å gå i Ølen på helsefag til hausten.
Hedvig Hundhammer Vågen
– For meg er det viktig å trivast, og at eg kan gjera det bra i jobben min. Til hausten kjem eg til å søkja meg inn på studiespesialiserande i Ølen, og målet mitt er å bli dyrlege.
Kristina Kambo
– Trivsel er viktigast for meg. Eg har lyst til å bli fiskebiolog, så til hausten søkjer eg meg inn på Lundeneset på studie-linja.
Gabriel Paz Eskeland
– Løn er viktigast. Eg har lyst til å arbeida som elektrikar enten i Nordsjøen eller i tunnel, så eg søkjer elektrolinja i Ølen til hausten.
Mats-Erik Eldegard Litlehamar
– Jobbmoglegheiter og løn er viktigast når eg skal velja yrke. Kva eg skal utdanna meg til veit eg ikkje enno, men eg søkjer meg inn på TIP i Ølen til hausten.
Tobias Sævareid Tesdal