Snart skal politikarane i kommunen bestemma kva dei skal bruka pengane på. Kva synest du er viktig?
– Eg synest dei burde brukt pengar på fleire trampoliner på skulen her. Me har ingen! Me burde hatt minst tre stykk.
Ines Eikemo Knudsen
– Eg synest også dei som bestemmer skulle kjøpt mange geiter som kunne gått lause i Skånevik. Det er lurt, og så er geitene så gode å kosa med.
Live Serine Eljervik
– Skånevik skule burde fått meir pengar sånn at dei kunne kjøpt inn fleire rutsjebanar til oss som går på denne skulen.
Wally Eikemo Knudsen
– Kommunen burde gitt pengar til oss slik at me kunne fått ein iskrem-maskin til skulen vår. Isen skulle vore gratis. Ein klatrevegg hadde også vore bra.
Agathe Ebbesvik Matre
– Pengar til ein treningspark på skulen hadde vore bra! Den skulle innehalda både hinderløypa, zip-line, vekter og sånn maskin som me kan springa fort på.
Emil Meland
– Eg synest kommunen skulle brukt pengar på ein nurf-gun-park ute. Då kunne me skyta på kvarandre, men kulene er ikkje harde altså. Dei er veldig mjuke.
Jaran Larsen Tendal