Både politi og forsikringsbransje åtvarar mot at det nå er sesong for tjuveri av båtmotorar.
Foto: Gejnsidige
Høgsesong for tjuveri i båthamner
Politiet har fått melding om raid mot båthamner og tjuveri av påhengsmotorar i Ålfjorden.
Sol og sommar er også høgsesong for tjuveri av båtmotorar. Lensmann i Etne og Vindafjord, Ingvar Gjærde opplyser at det den siste tida har vore fleire slike saker i Ålfjorden.
— Så langt dreier det seg om tjuveri på Sveio-sida av fjorden, men det er sjanse for at også Vindafjord-sida og andre stader i distriktet kan oppleva det same, seier Gjærde.
Han ber difor folk vera observante på mistenkeleg aktivitet, og utelukkar ikkje at det kan dreia seg om gjerningsmenn som opererer i båt.
