39 representantar frå Næringspolitisk avdeling i NHO var torsdag på besøk i Vindafjord. Asbjørn Moe i Etne og Vindafjord Næringsutvikling (t.v.) orienterte.
Foto: Grethe Hopland Ravn
Halve Noreg på éin veg
Lokalt næringsliv med klar melding til NHO.
Leiarar frå næringslivet i Vindafjord hadde ei oppmoding til gjestene frå NHO: Éin felles trasé frå Odda til Oslo vil samla halve Noreg.
39 representantar frå Næringspolitisk avdeling i NHO sentralt var nyleg på besøk hos Westcon i Vindafjord. På agendaen sto mellom anna prioritering av E134 sin vest-aust trasé, og det er i samla tropp næringslivstoppane i kommunen kjem med si oppmoding.
— Me må få regjeringa på banen og prioritera fjellovergangane mellom vest og aust. For oss er dette E134 det handlar om, og me må vera einige om premissane for vegbygginga, seier dagleg leiar Asbjørn Moe i Etne og Vindafjord Næringsutvikling.
