Tone Berge har eit ønskje for framtida, og det er å få komma i jobb igjen etter eit års sjukefråvær. Men fram til no har det bydd på utfordringar, og ho har kontakta advokat.
Foto: Grethe Hopland Ravn
Må kjempa for jobben
Tone Berge (44) har vore igjennom ei vanskeleg tid privat, men har klart å stabla seg tilbake til livet. I snart eit halvt år har ho vore klar til å starta i jobb igjen, men hos arbeidsgjevar står berre døra så vidt på gløtt.
I fem år hadde Tone Berge frå Sandeid vore tilsett i bedrifta Haraldseid trafikkskule i Haugesund, då ho blei sjuk i mai i fjor. Berge er open om at ho er diagnostisert med sjukdomen bipolar, som gjerne er meir kjend under omgrepet manisk depressiv. Men med rett medisinering har det i hennar tilfelle ikkje vore noko som helst grunnlag for trekkja seg ut av arbeidslivet, og som tilsett i Haraldseid Trafikkskole har ho heile vegen hatt det svært bra.
— Eg har alltid gledd meg til å gå på jobb og eg har alltid hatt eit godt forhold til sjefen min, seier Berge.
