70 prosent av dei som vil gi seg i lokalpolitikken er frå opposisjonen. Høgremedlemmene Øyvind Haraldseid (frå venstre), Terje Kleiven og Gunn Haraldseid går ut av kommunestyret og tar ikkje attval neste år.
Foto: Jon Edvardsen
Lei av å vera i opposisjon
Mange takkar for seg i lokalpolitikken i VIndafjord.
Dei aller fleste som gir seg i kommunepolitikken i Vindafjord er frå partia i opposisjon. 40 prosent av kommunestyret tar ikkje attval neste år.
7 av 10 som kastar inn handkleet er frå Høgre, Frp og Ap. Denne trioen er opposisjonen i Vindafjord som takka nei til å vere med under Senterpartiet sin ordførarparaply etter valet i 2011.
Dessutan markerer denne opposisjonen seg i mange saker i Vindafjord-politikken, og ingen av dei har støtta ordførarkoalisjonen sine årsbudsjett.
