Sesong for nye brannfeller

I fjor vart det registrert like i underkant av 4.500 bygningsbrannar her til lands. Mange av desse kunne vore unngått dersom folk hadde vist sunt brannvett, meiner feiar Kariann Eide.

Open eld og elektrisitet utgjer størsteparten av dei registrerte brannårsakene. Teknisk feil og feil bruk av elektriske anlegg står for rundt 45 prosent av etterforska brannar, medan open eld utgjer ein fjerdepart av alle bygningsbrannar. No når det går mot jul er faren ekstra stor. Med fyr på peisen og brennande stearinlys på bordet kan uhellet vera ute.

— Me ser at bruk av stearinlys er ei stor kjelde til brann, og då særleg i desse juletider. Dessutan startar mange brannar når folk nå skal bruka smult i matlaginga, fortel Kariann Eide som er fersk i det lokale brannvesenet.