Skadeomfanget etter uvêret Nina» aukar framleis. Forsikringsselskapa har så langt fått inn over 10.000naturskadar. Arkivfoto
Nina» slo godt om seg
Skadetala er i ferd med å passera 600 millionar kroner.
Både Etne og Vindafjord er å finna på lista over kommunar som har fått dei største skadane etter uvêret.
Seks veker etter ekstremvêret viser forsikringstala stigande summar. Stormen røska godt i både Etne og Vindafjord. Talet på skadar rapportert inn til forsikringselskapet Gjensidige set dei to kommunane på topp ti lista over hardast råka kommunar i landet, og så langt er erstatningssummen komen opp i over 15 millionar kroner berre for dette eine forsikringselskapet.
— Etne og Vindafjord er blant dei kommunane som kjem verst ut når det gjeld skadar meldt til oss. Bergen, Os og Kvinnherad toppar i skadeomfang, medan Vindafjord kjem som nummer fire. I Etne er det meldt om rundt 80 skadar, og i Vindafjord rundt 130 skadar til nå, fortel informasjonssjef i Gjensidige forsikring, Arne Voll.
