Bøndene melde seg symbolsk på NAV-kontoret i Vindafjord i fjor for å vise at bønder må ha inntekt for å kunne vere i næringa. Arkivfoto
Leverte moderate krav
Norges Bondelag og Norsk bonde- og småbrukarlag har levert moderate krav til staten i årets jordbruksforhandlingar. Det er i alle fall moderat samanlikna med krava dei siste åra, men langt over det landbruksminister Sylvi Listhaug (Frp) ville gi i fjor. Utgangspunktet var 250 millionar i kutt i budsjettet i fjor, og ein auke i pris som totalt sett ville gi ein vekst på 150 millionar kroner.
Men etter brot i forhandlingane tok Stortinget affære og støttepartia KrF og Venstre fekk lagt på 250 millionar kroner ekstra i potten samanlikna med staten sitt første tilbod.
Meiner kravet er snilt
