Overlege og leiar for Verdighetsenteret, Stein Husebø, meiner eldreomsorga kan organiserast på andre måtar enn i dag.
Foto: Irene Mæland Haraldsen
Kjempar for omsorgslønn
Vil at eldre skal få bu heime
— Fleire ynskjer å vera heime. I dag døyr berre 10-15% av dei gamle heime sjølv om dei fleste ynskjer å døy heime, seier Stein Husebø og understrekar at alle skal behandlast med verdighet heilt til livets slutt.
Overlegen frå Bergen har tatt turen til Etne for å dela sine tankar om alderdom og livets slutt gjennom to føredrag onsdag ettermiddag. Til dagleg jobbar Husebø som leiar for Verdighetsenteret, eit nasjonalt kompetansesenter med fokus på å sikra sårbare gamle ein verdig alderdom. Og for han handlar ein verdig alderdom om respekt.
— Ein verdig alderdom handlar om at alle skal bli sett og respektert. Alle skal bli møtt med kompetanse og omsorg i den siste livsfase, uansett alder, diagnose og opphaldstad, seier han.
