Sølve Østbø er klar for landsfinale i bilcross junior i Vikedal til helga. Dette biletet vart teke då han vant Bilcross Junior Challenge tidlegare i år. T.v. Vikedal NMK-leiar Karina Nonslid.
Foto: Arne Frøkedal
Sølve slo alle
Ein 17-åring frå Ølen gjekk heilt til topps i Bilcross junior Challenge i pinsehelga i stor konkurranse med talent frå heile landet.
Blant dei mest talentfulle ungdomane i landet stakk den snart 18 år gamle vindafjordingen av med sigeren på Gardermoen Motorpark andre pinsedag. Bilcross junior Challenge er ein talentkonkurranse for ungdom mellom 16 og 18 år der åtte deltakerar vert plukka ut av Bilsportforbundet basert på ein skriftleg søknad til finalen.
— Dette hadde eg ikkje trudd. Eg hadde eit håp om å gjera det bra på den fysiske testen, men at eg klarte å vinna totalt var overraskande, seier Sølve Østbø som er elev ved Ølen vgs og ivrig bilcrossførar.
Klem og heider
