Familiane har vakse godt i ventetida på gang- og sykkelsti. Synnøve Eikeland Steinsland (t.v) og Ingvild Bjørnevik med borna Tuva (8), Ella (4), Thea (10 mnd.), og søskena Liva (4), Aslak (2) og Mildrid (8 mnd.) ved E134 i Ølensvåg.
Foto: Arne Frøkedal
Endeleg trygg veg i sikte
Småbarnsmødrene Synnøve Eikeland Steinsland (37) og Ingvild Bjørnevik (28) ser slutten på den lange ventetida for trygg veg til skule, fritidsaktivitet og venner for sine små. Budsjettlekkasjen om pengar til gang- og sykkelsti var knapt å tru.
I over 40 år har vågsbuen venta på gang- og sykkelsti langs den sterkt trafikkerte E134 mellom Ølensvåg og Ølen. Synnøve Eikeland Steinsland og naboen Ingvild Bjørnevik, har nesten følt seg som fangar der dei bur i Gjerdevik med sine små.
— Alt er så tungvindt. Kvar gong borna skal ut på eit eller anna, må me køyra dei. Og den korte vegen til skulen, er i drosje. Den må koma opp i tunet fordi det er livsfarleg å senda ungane ned til vegen der bilane suser forbi i 80 km/t, seier Eikeland Steinsland.
Rabalder
