Forsvara bassenget og fekk ja
Trengselen var stor og iveren sterk då små og store aksjonerte for bassenget i Ølen. Og politikaren innfridde forventningane og sa nei til rådmannen sitt ønske om betong heller enn vatn.
Ein plass mellom 150 og 200 unge og vaksne stilte utanfor rådhuset for å markere eit stekt ønske om å få ha bassenget ved Ølen skule. Eit par timar seinare var det klart at alle parti i kommunepolitikken vil spare bassenget i denne omgangen. Det var utfallet i formannskapet.
— No håpar vi verkeleg at dette er eit varig ønske om at bassenget skal bestå, og vi er veldig nøgde med vedtaket politikarane gjorde. Det har vore eit stort engasjement, seier Gyri Windsand, leiar i foreldreutvalet (FAU) ved Ølen skule.
Håpar på ro
