Spente føre senteropning

Etter hektiske dagar er det spente og forventningsfulle kremmarar som nå ynskjer velkommen til eit nytt senter med to store butikkar.

— Me gleder oss veldig til å koma inn i nytt hus, seier dei to butikksjefane Jon Oddvin Moe i Felleskjøpet og Kjetil Hjorth Lillegraven i Coop Extra. Dei er svært nøgd med det nye kjøpesenteret i Etne og dei nye butikklokala dei nå kan tilby sine kundar.

— Me har fått det akkurat slik me vil ha det. Fordelen for oss begge er at huset er tilpassa konseptet til dei to butikkane, seier dei og smiler nøgd.