Topp stemning
Fredagens konsert med Admiral P var populær blant publikum.
Regnvêret fredag kveld la ingen dempar på stemninga under Blues festivalen i Skånevik. Folk kledde seg etter vêret og let seg riva med då Beth Hart og Admiral P entra scenen seint fredag kveld.
— Det var fullt hus og stormande jubel ved House of Blues, og både publikum og artistar var nøgd med kvelden. Publikum oppførte seg flott og me hadde ein fantastisk dag i Skånevik, fortel bluessjefen Alf Warloe Christophersen.
Annonse
Dei tilreisande har også i år tydd til campingvogn og telt for å få tak over hovudet så lenge festivalen varer.
— I år har me rekordmange som bur i telt, bobilar og campingvogn. Og me har masse båtar, seier festivalsjefen nøgd.
