Investerer i mjølk.
Fire av sju mjølkebruk i Vikebygd har bestemt seg for å investere millionar for å møte framtida. Men dei er usikre på dagens politiske landbruksregime.
— Vi må få det meir forutsigbart når vi skal investere, og ikkje risikere å gå konkurs om ti år fordi vi skal konkurrere med Danmark, seier Jone Ingvald Skartland.
Det var litt av det han ville formidle til statssekretær Terje Halleland (Frp) i Landbruksdepartementet som var på rundtur i fire bygder på invitasjon frå bondelag i Vindafjord. Dei vil gjerne gi politikaren frå Ølensvåg direkte informasjon om det som rører seg blant bøndene i Vindafjord.
Ein post på programmet var Fatland Ølen AS der både det private slakteriet og Nortura hadde marknadsdelen på dagsorden.
