Denne saka hadde rett nok ikkje samanheng med mistanke om ulovleg jakt. Politiet rykka derimot ut etter at det kom melding om ordensforstyrring ved ein serveringsstad ved 2-tida natt til søndag 18. desember. Politiet trefte to rusa karar i 50-åra som er heimehøyrande i Sør-Rogaland. Det viste seg at dei var i Skånevik i samband med at dei hadde leigd jaktområde i Skånevik og budde i ei campingvagn. Den eine av dei to hadde jaktammunisjon på kroppen då han var på serveringsstaden.
— Då me kom til campingvogna fann me eit skarpladd våpen og ammunisjon. I tillegg blei det funne eit usikra våpen i ein ulåst bil dei disponerte, fortel politioverbetjent Arild Austrheim.
Han presiserer at karane hadde jaktlisens og var lovleg innehavarar av våpna. Men måten dei har oppbevart våpna på, ser politiet alvorleg på.
