Tour des Fjords i Etne i fjor.
Foto: Torstein Nymoen
Ingen kroner til løp
Politikarane i Vindafjord vil heller støtte Vindafjordbonden med sponsorpakke enn tv-sending for Tour des Fjords.
— Eg synest det er kjipt å seie nei. Det er god profilering av kommunen og ein signaleffekt om at vi synest det er gode greier. Det blir skulda på at det er knage med pengar, men Vindafjord har ikkje snudd alle steinar som kan gi pengar i kommunekassa, sa Per Fatland i formannskapet.
Men han var aleine i formannskapet om å ville gi pengar til tv-sendinga. Tour des Fjords søkjer både Etne og Vindafjord om 30.000 kroner i tilskot og 20.000 kroner ekstra dersom det skal vere ein spurt i kommunen i sykkelrittet som blir arrangert for femte året på rad, det fjerde med løype på Haugalandet.
Etne skal ha oppe søknaden denne veka.
